مابعد التخرج .. !!
اااه حكاية طويله
مااعرف كيف راح أختصرها لكم
لكن اذا جاء هاليوم
وأستلمتي شهادة تخرجك
افرحي واستمتعي قد
ماتقدرين ..
ثم أبداي المشوار
معنا ..
تخرجت من قسم رياض
أطفال الحمدلله بمعدل كويس
ومع مرتبة الشرف
الثانيه ..
اول شيء توقعته بعد
تخرجي اني اتوظف بسرعة لعدة أسباب ..
اني معدلي مرتفع
الحمدلله ولا مره حملت مواد
و اني طموحة جدا وراح
ابحث بكل مكان اهم شيء مااجلس
عاطله ونفس الروتين
يتكرر علي يوميا ..
لكن !!
للأسف الان لي ٤
سنوات خريجة بدون وظيفة
السؤال هنا و الفائدة
..
وش سويت خلال هالاربع
سنوات ؟؟
قدمت ع جداره بكل مره
ينزلون وظائف لكن مايكتب الله لي نصيب فيها للأسف " لعل في الامر خيره "
قدمت ع البنوك و قدمت
ع الروضات الاهليه
ونفس الشئ مافي شاغر
..
جلست افكر بيني وبين
نفسي ؟
هل ابجلس أنتظر وظيفة
واحط يديني ع خدي وبس ؟
لا أبدا لما شفت ان
الوضع كذا صرت افكر بشكل اعمق وذاتي ..
ليش مااطور نفسي
واشتغل بالشئ اللي احبه ؟ بدال الانتظار !
بما أني من محبين
التصوير وتجربة أشياء جديده ومنتجات جديده بالسوق
هنا بدأت رحلتي ك
بلوغر وصرت اتعاون مع الشركات مع انه كان مقابل منتجات فقط بدون ربح مادي ..
صرت اغذي نفسي بصري
من ناحية التصوير واتعلم أشياء جديدة بالتصوير لحد مااحترفته تقريبا بدون ماادفع
ولا ريال فقط من التغذيه البصريه واليوتيوب والتطبيق والممارسه ..
غذيت عقلي بالقراءه
وصرت اقرأ كتب كثير بالمجال اللي احبه وينفعني ويقوي شخصيتي ويطور ذاتي
دخلت دورات سواء اون
لاين او في المراكز الموجوده في مدينتي ..
في كثير مواقع
الكترونيه تقدم دورات اون لاين مجانيه مثل :
موقع ادراك – موقع رواق
– موقع دروب ..
اخذت كورس خفيف
باللغه الانجليزيه عشان اطور من لغتي اكثر وللان ماشيه بالكورس
اخذته عن طريق قناة
باليوتيوب تعلمك كل شيء بالانجليزي ومجانا بعد ..
المختصر اني ماجلست
انتظر الوظيفه بدون ماأطور نفسي بالمجالات اللي احبها ..
قدموا ع الشركات
والمؤسسات والبنوك
حتى لو الراتب كان
قليل عشان عالاقل تأخذون خبره .. وتفيدكم الخبره بالوظيفه الرسميه
جهزي لك سي ڤي كويس
ومميز يجذب الشركات والقارئ لاكتشاف مالديك من مواهب وفائده راح تُفيد في هذا العمل ومايمنع انك تزورين الشركات شخصيا عشان يشوفونك ويقابلونك
وأتمنى لي ولكم
التوفيق ان شاء الله
وتذكروا دائماً
" الخيره فيما اختاره الله "
Thank you for Reading
السلام عليكم ورحمة الله وبركاته
اهلاً وسهلاً جميلاتي متابعات مدونة The Maram's ❥
اليوم في هالتدوينه راح احكي عن كتاب : الزبده ..
للكاتبه : اضواء الدخيل
نوع الكتاب : تطوير الذات
عدد الصفحات : ١١١
ــــــــــــــــــــ
الكتاب مقسم الى عدة فصول وعددها ١٢ فصل كل
فصل يكي عن موضوع معين
وهو عباره عن ملخص ٣٠٠ كتاب في مجالي علم النفس والاعمال التجاريه
وكل ما تحتاجه للوصول الى النجاح ..
ـــــــــــــــــــــ
قرأت الكتاب خلال اسبوعين ، لاني كنت اقطع وارجع اقرأ وهكذا ..
لاني احب اقرأ لغرض الفائده والفهم وليس القراءه فقط ..
💛💛
استفدت من الكتاب فوائد كثيره جداً
من اهمها اني احدد اهدافي واتبع شغفي اينما كان
استغل كل الفرص اللي تجيني لانها لن تكرر
الايجابيه 💛
أثق بنفسي
اثق بقدراتي
اتخيل تفاصيل اهدافي بشكل ايجابي
اتخلص من الافكار السلبيه فورا واستبدلها ب ايجابيه
اكافئ نفسي اذا حققت وانجزت
اهم نقطه اني اكتب اهدافي
افكر بالشيء اللي ابغاه
اتفائل ثم اتفائل ثم اتفائل .. 💘
انت الشخص الوحيد اللي قادر تسعد نفسك بتحقيقك لاهدافك .. مافي احد راح يسعدك قدك 💗💗💖
تقييمي للكتاب :
لو في اكثر من ١٠/١٠ اعطيت 💖
اخذته من مكتبة جرير اعتقد ب ٣٥ ريال
THANK YOU FOR READING .. ❥
السلام عليكم جميلاتي ..
كيف حالكم ؟ إن شاء الله تمام !
اليوم قررت اكتب تدوينه افضفض فيها عن شئ لاحظته هالفتره وينرفزني جداً
صحيت بيوم من الايام من الصباح وبما اني فاضيه جلست اهوجس وافكر و جلست اتذكر شسويت امس !
تذكرت اني امس من صحيت لحد مانمت وانا ماسويت شي بس ع جوالي ولا انجزت ولا هدف ولا حتى شئ مأجلته
الصدق اني جلست جلسة محترمه بيني وبين نفسي واتفقنا ..
انه مايمر يوم بدون ماسوي شئ مهما كان بسيط
بما أني مااحب اكتب تدوينه واسولف بدون صوره قررت اصور صور عاديه قد مايكون لها علاقه ب التدوينه
عشان اسسولف ع سنع ... ♥♥♥