مساء / صباح الخير متابعات مدونة The Maram’s 

كيف حالكم ؟ اتمنى تكونون بخير وانتم تقروون هالتدوينه .. 

اليوم ابحكي لكم عن مناكير فلورمار 

هالماركه شيء عجيب وجربت منهم كذا حاجه من المناكير للمجفف تبع المناكير

للمزيل للاكحال للقلوسات ..

اليوم ابخصص التدوينه للمناكير بما اني من عشاق المناكير واحبه جداً .. 

اللي يميز مناكير فلورمار انه مايحتاج حتى مجفف قد ماينشف علطول ولمعته حلوه

و سعره حكايه ثانيه 😍 .. 

🤩💙💙 

لكن عيبه يحتاج كذا طبقه عشان يطلع اللون تمام .. 

تقريباً تترواح اسعاره من ١٠ - ١٥ - ٢٠ ريال تقريباً .. 

الفروع للاسف مو كثيره بس اذا لقيتوه هالمحل بمكان استغلوا الفرصه ..

وهذي بعض درجات المناكير المميزه اللي عندي ⬇️ 

نشوفها سوا ..؟ 

TOP COAT 

شمعنى توب كوت !! 

الطبقه النهائيه اللي تكون بعد طبقة المناكير اللي تعطي لمعه جميله للاظافر 

مره تجنن واستخدمها اذا حسيت المناكير حقي طفت لمعته حطيت من هذا طبقة فويقه ويطلع 

كاني توني حاطته .. 

اسمه توب كوت بفلورمار ماله رقم معين ❤️

هذا اللون لونه حكايه لطيفه 

مابين البني والوردي والنود ، يعني بيعجب كثير صدقوني ، ويناسب الكل ولونه

 فخم وهادئ بنفس الوقت مرره حلو ، رقمه 03 

perfect mink

عرفتوا لون الزيتي الفخم ؟ هذا هو فضضيع مره 

رقمه 22 

natural green 

لون هلالي قُح ، اصلي 😂💕👀💙💙💙💙 

يجنن ذا اللون ، رقمه 19 

deep blue

عادةً مااحب اللون الاسود على الاظافر لكن لما جربته تغير رايي 😊 

طلع فخم والله ومع المجوهرات الفضيه وووااو 

رقمه 24 

pure black