Karak Gholam Cafe ' كافيه كرك غلام ..
مساء / صباح الخير .. ☻
كيف الحال متابعات مدونة The Maram's ؟
..©
اليوم التدوينة غير شكل .. لأني أضفت قسم جديد للمدونة وهو
Beautiful Place " يعني أماكن جميله "
زرتها وحبيتها ك مكان و ك أكل و ك أسعار ..☺
نبدأ اول شئ ب أول مكان وهو كافيه " كرك غُلام "
اول شيء ابحكي عنه المكان :
موجود بالبوليفارد في الرياض و ايضا زرت فرعهم في الكويت في صباح
السالم .. المكان شرح ووسيع صدر ويجنن .. حتى الصور تطلع بيرفكت
خصوصا بالنهار ..
في جلسات داخليه و خارجيه ..
حبيت جدا ديكور المكان و مساحته اهتمامهم بالتفاصيل ..
و الطاولات مو قريبه لبعض ف هذا يعطيك شوية خصوصية و اريحيه اكثر ..
نحكي الحين عن الطلبات مع الاسعار ..
بما اني من عشاق المشروبات البارده طلبت روز فالوده للمره الثانيه
وبكل المرتين الحمدلله نفس الطعم واللذاذه ونكهة الروز مش قويه جدا
بالعكس لطيفة ولذيذه جدا
طلبته في الكويت وطلبته بالرياض ونفس الطعم بالضبط ..
سعره : ٢١ ريال
ثاني طلب .. قهوة فرنسيه ، اعجبت اللي معي ومش قهوة ثقيله حيل
لدرجة تصدع الرأس بالعكس لذيذه وخفيفه لآن كان معاها حليب
يخفف حدة طعم القهوة ..
سعره : ١٣ ريال
الحلا حلينا ب كرك تشيز كيك
كلمة فضيع قليله فيه ، لذيذه ونكهة الهيل بارزه ومعطيته طعم خورافي
وهش جدا وواضح انه طازج مش بايت عندهم
سعرها: ٢٣ ريال
اسعارهم جدا معقوله وجميله ..
اقيمه ١٠/١٠
ماتأخروا بالطلب والخدمه ممتازه
والمكان والاسعار والاكل كلهم روعه ..
Thank you so much for Reading
0 التعليقات