نصائح مهمة خصوصًا مسألة الجوال، المشكلة نكتب المهام في الجوال، وإذا فتحناه ندخل كل شيء إلا المهام. :)
قلم مميز.. بورك فيه.

فعلا اتفق معك بكل كلمة ..

قبل لا اجيب يوسف ورهف كنت كل اللي اكتبه بقائمة المهام انجزه واسوي أحيان اشياء حق اللي اللي بعده
وكنت انبسط حيل ..

بس بعدما جبت يوسف اصبحت يا دوب انجز مهام اليوم نفسه وأحيان يبقى شي واحد أخليه حق اليوم اللي بعدها اذا كان فاضي ومافيه شي كثير

بس من جبت رهف اصبح الحمل ثقيل جدا وكنت كثير احس بتأنيب الضمير أني ما انجزت وضيقة ..

فقررت أن خلال هذه الفترة اللي هي السنتين إلى ما رهف تقتدر شوي تعتمد على نفسها يصير طالما هم صاحيين يوسف ورهف رح يكون وقتي لهم بالمطلق واذا قدرت انجز شي وهم صاحيين مثل الغدا والغسيل اللي ما يحتاج انتباه كامل يصير اسويه

أما البزنس واليوتيوب والتدوين أصبح اسويه في فترة نومهم سواء كانت نومة الظهر أو آخر الليل ..

وما أحكيك أن نومي صار جدا قليل عشان بس احس اني عايشة ..

سوري احس اني اسهبت بالحكي بس تدوينتك لامسة فيني شي حبيت أضيفه للأمها اللي مثلنا ..

أحيان الظروف تجبرنا أننا ما ننجز مهامنا ولكن ما ينفع التكاسل أو التنطنيش ونعيش بدون هدف

لاء لازم مثل ما قلت في التدوينة كتابة المهام والأهداف عشان ننجزها بس ممكن نغير أو نعدل في الوقت بحيث ما نضغط نفسنا فوق طاقتها ..

وشكرا للمساحة الجميلة اللي تركتيها لنا :)