السلام عليكم ورحمة الله وبركاته متابعات مدونة The Maram's
كيف الحال ؟ ان شاء الله تكونون بخير ..
اليوم بإذن الله بتكون التدوينه عن شنطتي الجميله ومحتوياتها
او بمعنى ماذا يوجد في حقيبتي ؟!!
كنت بكثير من الأحيان للأسف كل شيء اشوفه قدامي احطه
بالشنطه أخاف احتاجه
واذا رجعت من الطلعه اكتشفت ان ثلاث ارباع الأغراض اللي ممكن احتاجها ماكان لها داعي
عشان كذا قررت اصغر شنطتي واخذ المهم جدا فقط
اول شيء ابحكي لكم عن شنطتي الجميله اللي من شريتها وانا
وانا واقعه بغرامها ومهما غيرت شنط ارجع لها ، فلو تلاحظون دايماً اصورها ب السناب شات اذا طلعت ..
اخذتها من الدو ايام رمضان وكان عليها خصم ، الان ماعرف اذا للان متوفره ولا لا ولا اذكر سعرها بالضبط للأسف
◈◈
ثاني حاجه ابحكي عنها ..
اللي هي الأشياء الاساسيه اللي ماتطلع من شنطتي ..
العطر : عطر شانس من شانيل مره جميل واحبه حيل ريحته هاديه ولطيفه وخفيفه يناسب لكل وقت خاصة الدوام والطلعات الخفيفه الصباحيه ..
ملاحظة : انتبهوا من انكم تتعطرون بمكان ممكن يجي فيه رجال او تمرون من عند رجال او مع السواق ، طبعاً قلت هالكلام لاني الاحظ تهاون كثير للأسف ف انتبهوا اللي يهدينا ويهديكم .. وتعرفون ذنب اللي تتعطر ويشم ريحة عطرها رجال مو محرم لها
المحفظه : اكثر حاجه أخاف انساها ، لانها تحطني بمواقف صعبه اذا غيرت الشنطه ونسيتها ، اخذتها من سترادافاريوس تجنن شكلاً ومساحه وكل شيء
القلوس : اذا ابعدل الروج وانا طالعه او بالدوام هالقلوسس فضيع بشكل وحكيت عنه بالتفصيل بالانستقرام من سيفورا ماركة فينتي بيوتي لونه يضبط مع اغلب الدرجات سواء ارواج ولا محددات
السماعات : مااحب اكلم واحط الجوال ب اذني او اسممع فويس من الواتس واحطه ب اذني عشان اعزل الصوت ف احلى شيء اخترعوه ابل هي الايربودز لان السماعات اللي بسلك تنرفز وقت الشحن ف الايربودز فكت لي ازمه كبيره ..
حلاوه القهوه : احلى شي لما تروحين للدوام الصباح او بعد الفطور تاخذين هالحلاوه تلطف ريحة الفم
الباور بنك ( الشاحن المتنقل ) : من اهم الأشياء بشنطتي هالبطاريه ، تخيلي يطفى جوالك وانتي بنص الطلعه ، أسوأ حاجه والله
كريم اليد : حلو يكون بشنطتك كريم ترطبين يدك كل شوي لما تغسلين يدك وكذا .. كريم اليد حقي من لوكسيتان ، كثير احب منتجات هالماركه
واخر حاجه اكيد لازم تكون بشنطتي اللي هو جوالي ونظارتي اللي فيها ميزه انها وقت الشمس تققلب شمسيه
THANK YOU FOR READING ..
مساء / صباح الخير متابعات مدونة The Maram's ..
كيف حالكم ..؟ أتمنى انكم تكونون بخير وصحه وسعادة
واليوم الجمعه هذي ثالث جمعة التزم فيها بالتدوين بس اليوم للأسف كان عندي رحله فما امداني اصور لكم الموضوع اللي في بالي ف قلت ابكتب بالطياره موضوع لطيف اقرب للسواليف ....
رحله مع الزمن ...
طرأ علي الموضوع وانا بالطياره حتى الصوره صورتها بالطياره ، في آجمل ؟؟ جالسه افكر ب حياتي سابقاً وحياتي حالياً وفعلاً امنت ب مقولة دوام الحال من المحال ..
أشياء ماكنت أتوقع تصير لي وصارت لي وغيرت كل شيء فيني ( تفكيري ، هواياتي ، الأشياء اللي تلفت انتباهي ... كل شيء تغير حرفياً )
يمكن اسميه نُضج ؟ نضجت ب عمر صغير ؟
الأشياء اللي كانت تلفت انتباهي وتشدني مو زي الحين الان صارت تشدني وتلفت انتباهي أشياء اكبر
حتى طموحي واهدافي احس اختلفت وكبرت اكثر ..
تدرون ايش ؟ اني متحمسسه كثير لعمر ٣٠ احس بيكون غير وشي مره لطيف .. بعد ٤ سنوات ادخله
بالنسبه لي العمر مجرد رقم واللي يخليك تكبرين وتنضجين وتتغيرين بكل شيء سواء افكارك او معتقداتك او هوايتك او حتى ذوقك هي التجارب اللي تعيشينها مع الوقت وتصير لك ..
في كثير عوامل تخليك تتأثرين وتتغيرين ، متابعتك للاشخاص اللي بالسوشال ميديا يأثرون فيك بشكل كبير حتى بشكلك وشخصيتك وتفكيرك واسلوبك ..
تفكيرك المطول ونظرتك المطوله للاشخاص وتأملك لهم وحياتهم وشخصيتهم واسلوبهم برضوا تتأثرين منهم لما تشوفين كيف تتطورا مثلاً او كيف وصلوا لحاجه معينه او تغيروا ..
ف الحياه عباره عن دروس ومراحل وتجارب تغيرنا ياللافضل او للاسواء بس ان شاء الله ان كلنا نتغير للافضل ..
في فترة من فترات حياتي صرت كل الناس اللي اتابعهم بالسوشال ميديا كلهم ايجابين ويتكلمون بالايجابيه والحياة و سواء بطريقه مباشره او لا .. ف تغيرت بششكل كبير وصرت ايجابيه جداً وحتى طموحي واهدافي وسعيي وراها تغير ..
· انتقوا الناس والمشاهير اللي تتابعونهم لانكم تتأثرون منهم بشكل كبير ..