وش صار في غيابي ٦ أشهر عن التدوين !!
وش صار في غيابي ٦ أشهر عن التدوين !!
اول شيء السلام عليكم ورحمة الله وبركاته متابعات مدونة The Maram's
كيف حالكم ؟ اتمنى انكم تكونون بخير وصحه .. ♥♥
هالتدوينه ابخصصها للسواليف ووش صار تغيير ب حياتي خلال هالاشهر اللي غبت فيها عن المدونه
يعني " فضفضة " ...
قبل مانبدأ سواليف جيبوا قهوتكم او شيء تشربونه وتروقون .. 🙈🙉🙊
صارت احداث كثير حلوه بحياتي كانت أمنيات والحمدلله تحققت " ماشاء الله "
اول شيء نقلت للرياض وهي المدينه اللي احبها واموت عليها بعد ماكنت من سكان منطقة الشرقيه
وتحديداً الدمام ..
للأمانه الدمام والشرقيه عموما حلوه وتجنن لكن بُعد الاهل كان مشكله بالنسبه لي وماقدرت اتأقلم فيها ابداً
لأني ماعرف احد فيها نهائياً
الشيء الثاني الحلو اللي قلب حياتي تماماً اللي هو ولدت ورُزقت في بنتي { جمانه }
♡♡
مادري شقولكم بس اتمنى وادعي الله ان يرزق كل محروم ..
الشيء الثالث انه بعد خمس سنوات عطاله وبدون وظيفه ظهر أسمي في مرشحات التعليم الحمدلله
سنة ١٤٤٠ من اجمل سنوات عمري الحمدلله " ماشاء الله "
أنقطعت عن التدوين تقريبا قبل ولادتي بشهرين ماكان لي خلق للكتابه والجلسه الطويله على اللاب توب
وبعد الولاده المسؤوليه صدمتني وماعندي وققت اكتب و اتفرغ زي أول بس ان شاء الله ناويه
ارجع للتدوين أكثر و أدون مواضيع جديده تخص الطفل والامومه .. بس عطوني وقت شوي ♥♥
دائماً تلقوني ع السناب والانستقرام متفاعله أكثر شيء
SnapChat: @iimaram.3
instagram: @iimaram.3
twitter: @3iimaram
التدوينه قصيره وخفيفه لاني احب المختصر وحبيت اوثق اشياء حلوه صارت لي
والله يحقق لكم كل ما تتمنون يااارب
♥♥ Thank You For Reading ♥♥
1 التعليقات
الحمدالله على سلامتك
ReplyDeleteومبروك على الوظيفة و النقل
ماشاءالله ، أخبارك مُفرحة ، الفال لنا بتحقيق أمانينا
الله يزيدك من خيره
و ننتظر تدويناتك القادمة ، شدي حيلك