معلومات مُهمه بالتصوير .. ♡
اول شيء ومثل كل مره نبدأ التدوينه بالسلام والسلام عليكم جميعاً
متابعات مُدونة The Maram's ..
كيف حالكم جميعاً ؟ ان شاء الله تكونون بخير وصحه .. ♥♥
▽
مثل ماتشوفون عنوان التدوينه انه راح يكون عن معلومات مهمه تخص التصوير و عن طريقتي بتعديل
الصور اللي انزلها في السوشال ميديا
ولكن غالباً ماأعدل لاني اصور ب إضاءه كويسه وتغنيني عن التعديل ..
أول شئ اذا تبين تطلع صورك حلوه بدون تعديل وماتحتاج تعديل اهتمي ب كم نُقطه ..
١- التكوين : اللي هو الاشياء اللي تصورينها وركزي ع شئ واحد يكون التركيز عليه
عشان مايتشتت انتباه المشاهد + اهتمي بتناسق الالوان ..
٢- الإضاءه : اهتمي تكون الإضاءه ياتكون طبيعيه وهي الشمس من اجججمل الصور غالبا تطلع
إضاءتها الشمس او استخدمي إضاءه صناعيه مثل السوفت بوكس
اذا ماتقدرين تشترين سوفت بوكس اصنعيه بالبيت وفيه كثير ڤيديوهات باليوتيوب تعلمك الطريقه
وسهله جدا ..
هذا ڤيديو تعليمي لصناعه سوفت بوكس منزلي :
٣- الميلان : أكثر شئ يشوه الصوره انها تكون مايله ف احرصي لما ب تصورين تثبتين يدك وتصورين التكوين
بشكل مستقيم ولو صورتيها مايله عدليها ب اعدادات الصور ب الآيفون
٤- الزاويه : الزوايه هي زواية التقاطك للصور اما تكون علويه او بالزاويه اللي تعجبك بس اذا جيتي
تصورين صوري ب كل الزوايا وشوفي وش الاحلى عند الاختيار
٥- التغذيه البصريه : عشان تلقطين صور حلوه دائما غذي عينك وبصرك ب صور لمصورين كبار
ابحثي كيف صوروا هالصور ووش الاعدادات اللي سووها و قلديهم و مع الممارسه بيتغير
تصويرك ١٨٠ درجه ..
٦- اليوتيوب : صار اليوتيوب الحين يغني عن كثير من الدورات
اذا اهتميتي ب مجال معين ابحثي عنه بكل مكان وتعلمي كل شي عنه ف اليوتيوب بيخدمك كثير ب التصوير
وفيه الاف الدروس عن التصوير لمصورين معروفين ..
٧- الممارسه : الشيء اذا مامارستيه كثير بتنسينه وما كآنك سويتي شيء ف كل ماشفتي نفسك
فاضيه خوذي لك كم صوره وشوفي ڤيديوهات كثثير وطبقي
٨- الكاميرا: مو شرط يكون عندك كاميرا بروفشنال عشان تلتقطين صور حلوه بعد الاصدارات الجديده
للايفون صار في تصوير للبورتريه مره ممتاز للعزل وكانه تصوير كاميرا بالضبط مو مهم الجهاز اللي معك قد
أهميه حبك للتصوير وموهبتك فيه ..
هذي قناة مره حلوه للتصوير بتفيدكم كثير ..
قناة المصور عبدالمجيد المطيويع : https://www.youtube.com/user/j0odi
وهذي كم صوره من تصويري بالآيفون وبدون تعديل ب خاصية البورتريه :
وأخيراً وليس أخراً
دايماً تلقوني متفاعله بالسوشال ميديا خاصة السناب شات
وهذي حساباتي و كود السناب شات :
SnapChat: @iimaram.3
instagram: @iimaram.3
twitter: @3iimaram
