هذة صور جماعية للمنتجات .. 

اول منتج راح احكي عنه هو :

الصابون المغربي ... 

صابون الحمام المغربي البلدي ..

انتم عارفين الان وشايفين ان الصابون المغربي فيه شركات كثير تنتجه 

لكن انا راح ابحث عن الجودة اكيد 

الصابون المغربي اللي عندي من شركة موروكان اويل 

وش اللي يميز هالصابون عن غيره ؟ زيت الزيتون  

هالصابون معاه زيت زيتون بحيث يرطب لك الجسم بعد الحمام المغربي واكيد كلنا نعرف فوائد زيت الزيتون كيف عاد اذا صار مع الصابون المغربي ❤❤ 

وقريبا راح انزل لكم طريقتي في الحمام المغربي ..

انصحكم جدا فيه . 

Night Cream .. 

هذا الكريم صرفته لي الدكتورة لما كنت اراجع لبشرتي بعدما شلتها بالشمع وللاسف ماناسب لي وصارت بشرتي كلها حبوب :( 

فائدة هذا الكريم ؟ اني استخدمه عند النوم بعد ماعالجت الحبوب وبقيت الاثار

هذا الكريم ساعدني مرة بالتخلص من هالاثار ولله الحمد .. 

Body Wash من جونسون .. 

حقيقي ذا الشاور جل مو طبيعي فضضيع حيل 

انا من الناس اللي تهمني ريحة المنتج خصوصا اذا كان شاور جل 

وهذا الشتور جل ريحته حلاو ❤☺ 

يجنن حيل هو بنكهه التوت الاسود والتوت الاحمر والتوت الازرق ( البري ) 

في نكهات كثير من هالنوع  من الشاور جل بس هذي النكهه اللي جد حبيتها 

وينظف من قلب 

انصحكم فيه ..  

شامبو وبلسم من بوتس .. 

معروفة فوائد جوز الهند للشعر اكيد 

فكيف اذا جات بشامبو ؟ ❤❤❤

اللي لاحظته من هالمنتجين ان شعري تغير معاهم للافضل و لله الحمد 

النفشة خفت غير كذا حسيت ان شعري صارفيه حيوية 

اقدر اقولكم انهم صاروا التوب الا اذا لقيت الافضل مع اني مااعتقد ب القى افضل منهم

 .. 

بديل الزيت من لوريال 

ELVIVE .. 

انا اعامل بديل الزيت معاملة البلسم وحيل استفدت من هالطريقة بحيث بعد الشاور 

مره شعري يكون سلس وسهل التمشيط و مافيه نفشة اكيد 

في احلى ..؟ 

 تونر من NO7 

اخذت هالتونر من بوتس من فترة بسيطة تقرييا جول الشهرين ومن وقتها استخدمته الى الان اكيد في ايام انسى استخدمة لكن عموما عجبني حيل استخدامه بعد الغسول حسيته صغر لي المسامات بشكل بسيط وخفف لي من افراز الدهون في بشرتي خصوصا ان بشرتي دهنية جدا .. 

 

محلول دلاسين .. 

هالمحلول برضوا وصفته لي الدكتورة عشان ينشف لي الحبوب ويقشرها  

وفعلا قام بالمهمة وجفف الحبوب وتقشرت الحمدلله 

نصيحة : مثل هالمنتجات استشيروا الطبيب اولا .. 

صابون لليدين من باث اند بودي ووركس 

وش اللي يميز هالصابون ؟ انه فيه حبيبات صغيرة تساعد على تقشير اليدين و بكذا ينشال الجلد الميت من يدينك .. 

فيه نكهات كثير خوذوا اللي يعجبكم منها 

 مقشر من نيفيا للتفتيح الطبيعي ..

من جماله هالمنتج شوفوا كم علبة استخدمت 

لانه حقيقي يجنن تفتيح فوري ونعومة ماحصلتش  , حبيباته صغيرة وبكذا تقدرون تستخدمونة بشكل يومي ماراح يأثر عليكم او يسبب لكم مشاكل  

تلقونه بكل المكان بالسوبر ماركت والصيدليات وو الخ ..   

واخيرا وليس اخرا 

اتمنى استفدتوا من هالتدوينة ولا تحرموني من تعليقاتكم اللطيفة .. ❤❤☺

Instagram :  @iimlii

Twitter : @miivex