السلام عليكم متابعات مدونة The Maram's
كيف حالكم ؟ ان شاء الله تكونون بخير ..
اول حاجة تدوينه اليوم كانت نهاية هدف من اهداف ٢٠١٩ ، وهو ان يوصل عدد تدويناتي في المدونة ٣٠ تدوينه وهذي تدوينه الـ٣٠ .. 🎉🎈💕💕
ثاني حاجه اليوم ابحكي عن ديتوكس السوشال ميديا وقد ايش نحتاجه وبيفرق معانا لما نسويه ..
ايش يعني ديتوكس ؟؟
يعني التنظيف من السموم ، بس اليوم قصصدي فيها اللي هو تنظيف برامج التواصل من الاشخاص السلبيين والسيئين
والمسيئين و ايضاً ابتعد عن السوشال ميديا بالفتره اللي اقدر عليها واسكر النت من جوالي واستقبل مكالمات فقط ، حتى
الواتس اب اقفله ، بتشوفون قد ايش بيفرقق معكم انكم ترتاحون وتريحون مخكم وتعتزلون شوي عن العالم الخارجي
وتختلون بنفسكم ومنها تفكرون بحياتكم ب صفاء اكثر 👌🏻✌🏻😉
ماتعرفون قد ايش الناس السلبيه واللي تتحلطم ٢٤ ساعه بالسناب او الانستقرام يأثرون بشكل كبير علينا
و على نظرتنا للحياه و حتى تفكيرنا ..
احياناً كثيره احتاج لعزله وهدوء وحتى جوالي ماابغى اشوفه بس مااطول اقصاها كم ساعه
وارجع لوليدي الصغير ( جوالي ) 🤰🏻😂👀💙💙💙💙
في كثير ناس ماشاء الله يسوون ديتوكس السوشال ميديا لمده ٣٠ يوم وزياده وفي ناس اسبوع وفيه ناس يوم
وفيه ناس كم ساعه زيي بس ان شاء الله اطمح اني اتدرج لما اوصل الشهر .. بيكون انجاز عظيم جداً ..
جربوا ساعه ثم ساعتين ثم تدرجوا لحد ماتوصلون يوم الى شهر وبتشوفون كيف الفرق ..
شرايكم نخليها تحدي وهدف بـ 2020 ؟؟؟؟ 😍👀
وقولي لي أثرها عليكم 👌🏻🎈🎉
واخيراً وليس أخراً
معليش التدوينه قصيره بس مثل ماتعودتوا علي ، احب المختصر المفيد
ثاني حاجه احب اهنيكم في سنة 2020 والله يجعلها سنة سعيده علي وعليكم وسنة انجازات وتحقيق اهداف والله يخلي لي ولكم احبابنا واصحابنا واهلنا .. 💜💜💜💜
