مساء / صباح الخير متابعات مدونة The Maram’s 

كيف حالكم ؟ اتمنى تكونون بخير وانتم تقروون 

التدوينه الخفيفه والجميله .. 

اليوم التدوينه ابحكي فيها عن تجربتي في الليزر المنزلي اللي اغناني عن العيادات الحمدلله

والمواعيد والانتظار ووو .. 

 

فعلاً الليزر نعمه عظيمه ، تسوينه بالوقت والمكان اللي تبين و بدون ماتنتظرين موعدك وحتى بالسفر يناسب انك تاخذينه معك وماتتعطلين .. 

وحلو بعد من ناحية انك تتحكمين بقوة درجة الحراره اللي تتحملها بشرتك و الشعره نفسها .. 

اكيد كلنا نعرف قد ايش الليزر يعطيك شعور بالنظافه والنعومه .. 

ف مهم جداً عند كل بنت والليزر المنزلي يوفر لك ايضاً مادياً لان سعر جلستين الى ثلاث جلسات بالعياده تساوي سعر الجهاز نفسه مدى الحياة تستخدمينه وحتى خواتك واهلك يستخدمونه معك 

ففرصة حلوه تشترينه انتي او تتعاونين مع خواتك او قريباتك وتستخدمونه سوا بس مع تبديل الرأس تبع الليزر للنظافه اكثر ..

 

جهازي من فيلبس اصدار 1995 

اخذته من ساكو بعرض جداً جميل وقتها كان عليه خصم ممتاز وصار ب ٩٩٩ريال  

ميزته انه الومضات اللي فيه تكفيك وتخلص جلسساتك وهي لسسى ماخلصت و ايضاً من مميزاته انه وانتي تستخدمينه يكون موصل بالكهرباء وهذي اعتبرها ميزه والبعض يعتبرها عيب ولكن انا افضلها بحيث مااجلس انتظره وقت على ما يشحن و مايقطع علي الشحن وانا اشتغل .. 

Thank you for Reading