السلام عليكم جميلاتي .. 

كيف حالكم ؟ إن شاء الله تمام ! 

اليوم قررت اكتب تدوينه افضفض فيها عن شئ لاحظته هالفتره وينرفزني جداً 

صحيت بيوم من الايام من الصباح وبما اني فاضيه جلست اهوجس وافكر و جلست اتذكر شسويت امس ! 

تذكرت اني امس من صحيت لحد مانمت وانا ماسويت شي بس ع جوالي ولا انجزت ولا هدف ولا حتى شئ مأجلته 

 الصدق اني جلست جلسة محترمه بيني وبين نفسي واتفقنا .. 

انه مايمر يوم بدون ماسوي شئ مهما كان بسيط  

بما أني مااحب اكتب تدوينه واسولف بدون صوره قررت اصور صور عاديه قد مايكون لها علاقه ب التدوينه 

عشان اسسولف ع سنع ... ♥♥♥ 

 من ضمن القرارات اللي طلعت لما تفاهمت مع نفسي هي اني أكتب وش راح اسوي اليوم بالتفصيل واذا 

انتهى اليوم وانا مُنجزه أكافئ نفسي بشئ حلو ويغير من روتيني .. 

مو شرط تكون المكافأه شئ يشترى او شئ يكلف .. ممكن فيلم حلو ممكن تاخذين شاور دافي مع سكراب واشياء دلع .. 

 برضوا اتفقت مع نفسي اني مااكتب اشياء صعبه يصعب علي إنجازها .. عشان ماآحس بالاحباط اذا ماسويتها ♡♡

قررت اتعلم اشياء جديده او اشياء ما أتقنتها .. مثل لغتي الانجليزيه مو كويسه ف جالسه احضر درس انجليزي ع اليوتيوب 

وانا في بيتنا و بالوقت اللي ابيه .. شئ صعب ! لا بس جالسه انجز .. حضوري للدرس يعتبر انجاز ..

جالسه احاول اتعلم الجرافيكس والتعديل بما اني مجالي و حبي للتصوير يتطلب هالشئ عشان اطور نفسي 

من هالناحيه  .. 

انا لي تقريبا ٤ سنوات متخرجه من الجامعه ولسى ماتوظفت .. بس هل اجلس انتظر الوظيفه ولا اسوي شئ

لحد ماتجي ؟!!  

اكيد لا .. في جوانب فيني لازم اطورها مثلا اللغه الانجليزيه ، ومثلا التصوير واطور مستواي فيه مثلا الجرافيكس 

ومن هالاشياء ..♥♥ 

انا من الناس اللي اذا ماكتبت مستحيل انجز ابداً .. لكن لما صرت اكتب واشيك ع الدفتر كل شوي و اشوف

وش انجزت ووش باقي لي اتحمس واكمل  

من الاشياء اللي قررت اسويها واعتبرها انجاز لاني جالسه اشتغل عليه ويخص مجالي بالتصوير 

اني اكون Active و متفاعله في السوشيال ميديا وانزل لكم بوستات وريفيوهات بشكل مستمر .. 

الشئ اذا اهملناه او تجاهلناه يموت .. شغلك نفس الشئ اذا اهملتيه و تجاهلتيه يموت ولا يكون لك قيمه فيه 

الحين ودي احكي عن حساباتي شوي ووش اسوي فيهم .. 

instagram : 

@iimaram.3

انزل فيه يومياتي ، والاماكن الي اروح لها مع موقعها ورايي فيها و برضوا انزل ريفيوهات كثير عن المنتجات وبعض 

الشركات  وبرضوا انزل نتائج جلسات تصوير ..   

اكتبوا لي تحت بالكومنت وش تحبون أضيف بعد .. ❥. 

Twitter : 

@3iimaram

فضفضه ، اختصار لتدوينات انزلهم او بوستات الانستقرام ، وبرضوا ملخصااات للكتب اللي اقراها وبرضوا اسوي رتويت للاشياء اللي تعجبني و تلفت انتباهي .. 

Snap Chat : 

@iimaram.3 

كل شئ فعلياً ، يومياتي ، ريفيرهات سريعه ، اشياء حبيتها واشياء ماحبيتها 

تجججاربي 😅 وتنبيهات عن نزول اي تدوينه او بوست جديد في الانستقرام و٢٤ ساعة متواجده بالسناب 

واسسولف كثير ترا .. 😂 

✽✽

و بالآخير شكراً لكم ع قرائتكم للتدوينه وان شاء الله تعجبكم ..