السلام عليكم ورحمة الله وبركاته ..
كيفكم ؟! ان شاء الله تكونون بخير وانتم تشوفون هالتدوينة ..
ب هالتدوينة حبيت اكلمكم عن مشترياتي من موقع آي هيرب المعروف .. بس قبل كل شيء راح اشرح لكم الموقع ب إختصار ..
أولاً الموقع جميع منتجاته عضوية ، غير كذا اسعاره جداً رخيصة ومناسبه ، وطريقة الطلب جداً سهله بالموقع ..
طبعاً المرة هذي كانت اول مره اطلب فيها أون لاين ..
الموقع عطاني إنطباع رائع عن الشوبينغ اون لاين ..
ولما طلبت من الموقع اقل من اسبوع ووصلتني المنتجات ..
يضم الموقع منتجات طبيعية منها الشامبوهات والجل شاورز و الميك اب و المواد الغذائية ايضاً والبروتينات والفيتامينات والزيوت العضوية والكثير والكثير ..
ثاني حاجة ؛ مشترياتي :)
هذي صورة جماعية لكل المنتجات اللي طلبتها .. ومن تصويري الشخصي أكيد :)
راح اتكلم لكم عن كل منتج بالتفصيل مع الاسعار ،،
١- زيت الخروع : الكل يعرف فوائد زيت الخروع مثل يطول الشعر و يكثفه .. و ترطيب البشرة الجافة ، ايضاً علاج لشيخوخة البشرة ...الخ
سعره : 25.91 ريال
٢- زيت الارغان : من فوائد هذا الزيت ، مكافحة الشيخوخة ، تسهيل عملية الهضم ، للشعر المجعد ، علاج لمشاكل البشرة المختلفة ، الوقاية من حب الشباب ..
سعره : 20.14 ريال
شامبو وبلسم mane'n Tail ..
سمعت عنهم مدح كثير قلت لازم اجربهم ،
من فوائدهم ..
تطويل وتكثيف الشعر وترطيب وتغذية الشعر ..
الاسعار :
الشامبو : 28.51 ريال
البلسم : 15.50 ريال
الماسك العجيب : ماسك Queen Helene
طلبت منها اثنين ،
ينظف البشرة بعمق ويفتحها شيء بسيط ..
سعره : 6.60 ريال
تونر ماء الورد مع بتلات الروز ..
احب استخدمه بعد الماسك بمسحه بسيطة ع البشرة بحيث يسكر لي المسامات المفتوحة ..
سعره : 32.43 ريال
معجون اسنان ( xyli white )
الريڤيو بالموقع عليه 5845
حبيت اجربه واشوف النتائج ..
سعره : 15.84 ريال
زبدة الشيا وزيت جوز الهند العضوي ..
المعروف لايعرف..
كلنا نعرف فوائد زبدة الشيا وفوائد زيت جوز الهند ..
وشركة ناو معروفه بمنتجاتها الطبيعية العضوية ..
اسعارهم :
زيت جوز الهند العضوي : 21.61 ريال
زبدة الشيا : 24.96 ريال
الطين الأوروبي : الطين الاوروبي معروف بفوائده للبشرة ، يفيد في علاج اثار الحبوب وتصفية البشرة ...الخ
واقي الشمس من alba : عجبني ان عليع ريڤيو كثير وتحمست اجربه ..
الاسعار ؛
الطين الاوروبي : 20.14 ريال
واقي الشمس من alba : 33.18 ريال
الحين فقرة الزيوت ،
طلبت زيت الجوجوبا و زيت اللوز الحلو و زيت الافوكادو وزيت بذور العنب .. وفوائدها لا تعد ولاتحصى سواء للشعر او للبشرة ..
الاسعار :
زيت الجوجوبا : 37.45 ريال
زيت اللوز الحلو : 14.37 ريال
زيت الافكادو : 20.14 ريال
زيت بذور العنب : 11.99 ريال
>>
الطلب من موقع اي هيرب جداً سهل فقط لازم ڤيزا كارد ..
الموقع ايضاً له تطبيق خاص ع الاب ستور في قسم الايباد ؛ اسمه iherb ..
الشحن مايطول من ٣ ايام الى اسبوع ..
اي استفسار اكتبوه تحت في التعليقات ..
وبس . اتمنى عجبتكم التدوينة واتركوا لي تعليق جميل مثلكم :)
